Neymarın Braziliyaya – “Santos”a qayıtması tədricən gözlənilən qalmaqal təbəqəsi ilə əhatə olunur.
Hər şey çox yaxşı başlamışdı, amma sonra braziliyalı hücumçu liqa matçında zədələndiyini açıqladı.
Sportinfo.az “UOL Esporte”-yə istinadən xəbər verir ki, zədələnməsi 32 yaşlı futbolçunun oyundan dərhal sonra onun məşhur Braziliya karnavalında görünməsinə mane olmayıb və bu an kameralara düşüb.
Neymar sevinclə rəqs edib, baxmayaraq ki, nəzəri olaraq zədəsini müalicə etməli idi. Buna görə də, Braziliya mətbuatında onunla bağlı belə başlıqlarla yazılar dərc olunub:
“Neymar futbolu ciddi qəbul etmir” – mətbuatın baş verənləri təsvir etdiyi ən sakit ifadələrdən biridir. “Oynaya bilməsə belə, müalicəyə üstünlük verməli idi” – başqa bir nəşr təcrübəli oyunçunun davranışını belə təsvir edib.
Neymar “Santos”a qışda Səudiyyə Ərəbistanının “Əl-Hilal” klubundan keçib.
