“Sportinq” portuqaliyalı mütəxəssis Ruy Borgesin komandanın baş məşqçisi vəzifəsinə təyin olunduğunu açıqlayıb.
Sportinfo.az xarici KİV-ə istinadən xəbər verir ki, Lissabon klubu daha əvvəl “Mançester Yunayted”ə gedən baş məşqçi Ruben Amorimi əvəzləyən Joao Pereyranı istefaya göndərdiyini açıqlamışdı.
“Sportinq” hazırda 37 xalla Portuqaliya çempionatının turnir cədvəlində ikinci yerdədir. Lider “Benfika”nın 38 xalı var. İlk üçlüyü “Portu” (37 xal) tamamlayır.
Lissabon komandası daxili çempionatın növbəti oyununda dekabrın 29-da “Benfika” ilə qarşılaşacaq.
