Kriştiano Ronaldonun agenti Jorje Mendeş 39 yaşlı futbolçu ilə bağlı fikirlərini bölüşüb.
Sportinfo.az “Tuttosport”-a istinadən xəbər verir ki, portuqaliyalı hücumçunun agenti Ronaldonun öz oyunundan həzz aldığını bildirib:
“Ronaldo çoxlu qol vurmağa davam edir, rekordlar ardınca rekordlar qırır. O, öz oyunundan həzz alır, çünki hələ də yaxşı futbol oynayır.
Ronaldo mənim üçün əbədi olaraq tarixin ən yaxşı oyunçusu olaraq qalacaq”.
Ronaldo Səudiyyə Ərəbistanında “Əl-Nəsr” klubunun şərəfini qoruyur. Onun hazırkı klubu ilə müqaviləsinin müddəti 2025-ci ilin ortalarına kimi hesablanıb.
O, cari mövsümdə 19 oyun keçirib, 16 qol vurub və 3 məhsuldar ötürmə edib.
.jpg)
