“Netflix” idmançılar haqqında sənədli filmlər hazırlamağa davam edir.
Sportinfo.az xəbər verir ki, məşhur film platforması bu dəfə Kriştiano Ronaldo haqqında, onun Səudiyyə Ərəbistanındakı həyatını və karyerasını əks etdirən serialın təqdimatını edib.
“Əl-Nəsr”in və Portuqaliya millisinin hücumçusu olan Ronaldo, serialın girişində belə deyib:
“Onlar deyirlər ki, Ronaldo artıq bitib, burada yalnız pul üçün oynayır, amma mən hələ də ehtiras hissi keçirirəm”.
39 yaşlı hücumçu “Əl-Nəsr” klubunun oyunçusu olaraq 2023-cü ilin yanvarında Səudiyyə Ərəbistanına köçüb. O, cari mövsümdə 15 oyuna çıxıb, 10 qol vurub və 3 ötürmə edib.
