Braziliya Futbol Konfederasiyası (BFK) “Mançester Siti”nin baş məşqçisi Pep Qvardiola ilə danışıqlara dair şayiələri təkzib edib.
Sportinfo.az ESPN-ə istinadən xəbər verir ki, bu məlumat həqiqətə uyğun deyil. Qurumun prezidenti Ednaldo Rodriges də son danışıqlarla bağlı məlumatları təkzib edib:
“O, dünyanın ən böyük məşqçilərindən biri olsa da, Braziliya Futbol Konfederasiyası onunla heç bir əlaqə saxlamayıb.
Biz Dorival Juniorun məşqçilər korpusu ilə əməkdaşlıq edirik və razıyıq. Bəli, Dorival komandanın başında qalacaq.
Məsələ burasındadır ki, onun bizimlə 2026-cı ilə qədər müqaviləsi var və bu, dünya çempionatına qədər qüvvədədir. Hər şey ondan asılıdır”.
Daha əvvəl Braziliya Futbol Konfederasiyasının hazırkı baş məşqçi Dorival Juniorla müqavilə imzalamadan əvvəl Qvardiolanı təyin etməkdə maraqlı olduğu iddia olunub.
.jpg)
