“Real Madrid”in müdafiəçisi Eder Militao Braziliya yığmasının qarşıdakı oyunlarında iştirak etməyəcək.
Sportinfo.az xəbər verir ki, bu barədə “The Athletic” məlumat yayıb.
Bildirilib ki, futbolçu oktyabrın 5-də vətəninə uçub və orada tibbi müayinədən keçib. Nəticədə ona sol bud nahiyəsində yüngül əzələ zədəsi diaqnozu qoyulub.
Beləliklə, Militao 2026-cı il dünya çempionatının seçmə mərhələsi çərçivəsində Çili (11 oktyabr) və Peru (16 oktyabr) ilə keçiriləcək iki matçda “sambaçılar”a kömək etməyəcək.
