.jpg)
Portuqaliya millisinin və “Əl-Nəsr” klubunun hücumçusu Kriştiano Ronaldo qarşıdakı mövsümlərdə “Qızıl top” mükafatı üzrə kimləri əsas favorit hesab etdiyini açıqlayıb.
Sportinfo.az xəbər verir ki, forvard bu barədə “Mançester Yunayted”dən keçmiş komanda yoldaşı Rio Ferdinandla yutub kanalında söhbətində bəhs edib.
Ronaldonun “Real Madrid”in ulduzu Vinisus Juniorun adını çəkməməsi müzakirələrə səbəb olub.
“Mbappe yaxın bir neçə il ərzində “Qızıl top”u qazana bilər. Bəlkə də Haaland və Bellinqem. Həmçinin Lamin Yamal”, - Ronaldo bildirib.
Ferdinand isə “Həmçinin Vinisius”, - deyə əlavə edib.
Daha sonra Kriştiano sözlərinə belə davam edib:
“Düşünürəm ki,yeni nəslin çox böyük potensialı var, amma məncə, Mbappe çox yaxşı işlər görəcək.
O, “Real”da daha da yaxşı olacaq. Klub əla və güclü struktura malikdir.
Onların uzun illər bu vəzifədə olan böyük məşqçisi və prezidenti var.
Mbappenin heç bir çətinlik çəkəcəyini düşünmürəm. O, istedadlıdır və bacardığı hər şeyi göstərib”.
Ronaldo 5 dəfə “Qızıl top” mükafatının sahibi olub.
