.jpg)
Argentina millisinin baş məşqçisi Lionel Skaloni komandanın kapitanı Lionel Messi haqda danışıb.
Sportinfo.az xarici KİV-ə istinadən xəbər verir ki, argentinalı çalışdırıcı, Messinin unikal oyunçu olduğunu bildirib:
“Komanda üçün Messidən asılı olmamaq çətindir, çünki o, unikal oyunçudur.
Ancaq bizim meydançaya kimin çıxmasından asılı olmayan bir oyun ideyamız var. Hamı eyni futbolu oynayır. Bu, kömək edir”.
37 yaşlı forvard zədəsini hələ tam sağaltmadığı üçün sentyabrdakı təlim-məşq toplanışını buraxacaq.
Argentina millisi ötən həftə DÇ-2026-nın seçmə mərhələsində Çilini 3:0 hesabı ilə məğlub edib. Skaloninin yetirmələri bu axşam Kolumbiya millisi ilə qarşılaşacaq.
