![Klubu ilə müqaviləni ləğv edir, Avropaya qayıdır - Tanınmış futbolçu](https://www.sportinfo.az/media/2024/07/22/xames-rodriges.jpg)
“Real”ın və “Bayern”in sabiq yarımmüdafiəçisi Xames Rodriges Braziliya klubu “San Paulo” ilə müqaviləsini ləğv edərək, azad agent olacaq.
Sportinfo.az xarici KİV-ə istinadən xəbər verir ki, kolumbiyalı futbolçu Avropaya qayıtmaq istəyir.
Rodriges 2023-cü ilin iyulunda azad agent kimi Braziliyanın “San Paulo” klubuna keçib. Onun bu klubla müqaviləsi 2025-ci ilin yayına kimi nəzərdə tutulub.
33 yaşlı yarımmüdafiəçi 2024-cü il Amerika kubokunun ən yaxşı oyunçusu mükafatını alıb. Turnirin 6 oyununda iştirak edən futbolçu 1 qol vurub, 6 məhsuldar ötürmə verib.