.jpg)
Asiya Çempionlar Liqasında keçirilən “Əl-Nəssr” - “Persepolis” matçında meydan sahiblərinin ulduzu Kriştiano Ronaldo diqqət mərkəzinə düşüb.
Sportinfo.az xəbər verir ki, qarşılaşmanın 2-ci dəqiqəsində portuqaliyalı hücumçu cərimə meydançasının daxilində yıxılıb.
Bu zaman oyunun baş hakimi İran klubunun qapısına penalti təyin edib.
Ronaldo isə hakimə yaxınlaşaraq cərimə meydançasının daxilində özünə qarşı rəqib futbolçu tərəfindən müdaxilə edilmədiyini, bu səbəbdən penaltinin olmadığını bildirib.
Nəticədə referi penalti qərarından daşınıb.
.jpg)
