2034-cü il dünya çempionatının final mərhələsinə ev sahibliyi edəcək ölkə açıqlanıb.
Sportinfo.az xəbər verir ki, bu barədə FİFA prezidenti Canni İnfantino sosial şəbəkə hesablarında paylaşım edib.
O, DÇ-2034-ün final mərhələsinin Səudiyyə Ərəbistanında keçiriləcəyini açıqlayıb.
Ötən gün Avstraliya DÇ-2034-ə ev sahibliyi etmək barədə namizədliyini geri çəkmişdi və yeganə namizəd Səudiyyə Ərəbistanı qalmışdı.
2026-cı il dünya çempionatı 3 ölkədə keçiriləcək: ABŞ, Kanada və Meksika. 2030-cu ildə dünya çempionatının matçları isə İspaniya, Portuqaliya, Mərakeş, Argentina, Paraqvay və Uruqvayda oynanılacaq.
