DÇ-2022-nin finalında Argentinaya uduzan Fransa yığmasının müdafiəçisi Rafael Varan açıqlama verib.
Sportinfo.az xəbər verir ki, o, Fransa mətbuatına açıqlamasında rəqibdən daha yaxşı oynadıqlarını deyib:
"Oyunumuz alınmasa da, hesabı bərabərləşdirə bildik. Qarışıq görüş oldu. Hər şey tez baş verdi. Argentinadan daha yaxşı idik.
Çalışdıq, mübarizə apardıq və inandıq. Qələbə üçün hər şeyi etdik. Pis başlayan matçı möhtəşəm bitirə bilərdik. Bu komandadaa xarakteri olan, böyük ürəyə sahib oyunçular var. Çalışsaq da, alınmadı".
Matçın əsas vaxtı 2:2 hesabı ilə başa çatıb. Əlavə vaxtda tərəflər hərəyə bir dəfə fərqlənib. Penaltilər seriyasında isə Argentina üstün olub.
