Fransa millisinin futbolçusu Teo Hernandes DÇ-2022-nin finalında Argentinaya qarşı keçirəcəkləri oyundan danışıb.
Sportinfo.az xəbər verir ki, müdafiəçi rəqib komandanın kapitanı Lionel Messidən çəkinmədiklərini deyib:
"Final haqqında düşünməliyik. Matça qədər tam hazır olmalıyıq. Messidən qorxmuruq. Amma Argentinanın inanılmaz heyəti var. Hazırlaşmaq üçün bir neçə günümüz qalıb".
Dekabrın 18-də keçiriləcək Argentina - Fransa matçı Bakı vaxtı ilə saat 19:00-da başlayacaq.
