Fransalı hücumçu Antuan Qrizmann DÇ-2022-nin yarımfinalında Mərakeşi məğlub etdikləri matç barədə danışıb.
Sportinfo.az xəbər verir ki, o, final oyunu barədə də fikir bildirib:
“Belçika ilə oyundan sonra ağladım (DÇ-2018, yarımfinal). İndi diqqətimi finala cəmləşdirirəm.
Yalnız bazar günü keçiriləcək matçı düşünürəm. Biz bir araya gəlməli, daha da yaxşı mübarizə aparmalı və bazar günü keçiriləcək final görüşünə hazırlaşmalıyıq”.
Fransa millisi DÇ-2022-nin yarımfinalında Mərakeşi məğlub edərək (2:0), həlledici mərhələyə çıxa bilib.
Onların rəqibi Argentina yığması olacaq. Oyun dekabrın 18-də keçiriləcək.
