Çempionlar Liqasında pley-off mərhələsinə yekun vurulub.

Sportinfo.az xəbər verir ki, 2-ci oyun günündə 4 cavab görüşü keçirilib.

Günün maraqla gözlənilən matçlarından biri "Santyaqo Bernabeu"da oynanılıb. İlk görüşdə 3:2 hesablı qələbə qazanan "Real" "Mançester Siti"ni doğma meydanında qəbul edib. E

rkən final da adlandırılan qarşılaşmanın qalibi Madrid təmsilçisi olub - 3:1. Yekunda "Real" 1/8 finala adlayıb, "Mançester Siti" mübarizəni dayandırıb.

PSJ 1 həftə əvvəl 3:0 hesabı ilə məğlub etdiyi "Brest"ə 7 cavabsız qol vurub və adını 1/8 finala yazdırıb.

PSV - "Yuventus" matçının əsas vaxtında Niderland təmsilçisi 2:1 hesabı ilə üstün olub. İlk görüşdə Turin klubu eyni hesabla qalib gəldiyinə görə əlavə vaxt oynanılıb. PSV əlavə vaxtda daha 1 qol vuraraq "Yuventus"u məğlub edib.

Eyni zamanda Dortmund "Borussiya"sının da növbəti mərhələyə vəsiqə qazandığı dəqiqləşib.

Bunadək "Feyenoord", "Bavariya", "Brügge" və "Atalanta" 1/8 finala adlayıb.

1/8 finalın püşkatma mərasimi isə fevralın 21-də olacaq. Bu mərhələnin ilk matçları 4-5 martda, cavab qarşılaşmaları isə 11-12 martda oynanılacaq.

21:45. “Borussiya” (Dortmund, Almaniya) - “Sportinq” (Portuqaliya) - 0:0

(İlk oyun - 3:0)

00:00. PSV (Niderland) - “Yuventus” (İtaliya) - 3:1

Qollar: Perişiç, 53, Saibari, 74, Flaminqo, 98 - Vea, 63

(İlk oyun - 1:2)

00:00. PSJ (Fransa) - “Brest” (Fransa) - 7:0

Qollar: Barkola, 20, Kvaratsxeliya, 39, Vitinya, 59, Due, 64, Mendeş, 69, Ramos, 76, Mayulu, 86

(İlk oyun - 3:0)

00:00. “Real” (İspaniya) - “Mançester Siti” (İngiltərə) - 3:1

Qollar: Mbappe, 4, 33, 61 - Qonzales, 90+2

(İlk oyun - 3:2)

18 fevral

"Milan" (İtaliya) – "Feyenoord" (Niderland) - 1:1

(İlk oyun - 0:1)

"Benfika" (Portuqaliya) – "Monako" (Fransa) - 3:3

(İlk oyun - 1:0)

"Atalanta" (İtaliya) – "Brügge" (Belçika) - 1:3

(İlk oyun - 1:2)

"Bavariya" (Almaniya) ­– "Seltik" (Şotlandiya) - 1:1

(İlk oyun - 2:1)