.jpg)
“Lill”in baş məşqçisi Bruno Genesio Çempionlar Liqasının 2-ci turunda “Real” üzərində qazanılan qələbədən (1:0) danışıb.
Sportinfo.az UEFA-nın mətbuat xidmətinə istinadən xəbər verir ki, fransalı çalışdırıcı bunun üçün çox çalışdıqlarını bildirib:
“Biz bunun üçün çox çalışdıq. Bu iş sayəsində biz fanatlarımız və ailəmizlə inanılmaz emosiyalar paylaşa bilərik.
Futbolu inanılmaz edən də budur. Belə qələbələr yaddaşlarda əbədi qalır”.
Fransa klubu 3 xal toplayıb və Çempionlar Liqasının ümumi mərhələsinin turnir cədvəlində 18-ci pillədə qərarlaşıb. “Real” isə 3 xalla 17-ci yerdədir.
