Əfsanəvi boksçu Mayk Taysona rinqdə qalib gələn sosial media fenomeni Ceyk Poll təqaüdə çıxdığını elan edib.
Sportinfo.az xəbər verir ki, o bu barədə sosial media hesabında açıqlama verib.
O, 58 yaşlı Mayk Taysonla görüşdən sonra peşman olduğunu deyib.
Poll etiraf edib ki, matçdan əvvəl gərgin dialoqlarına baxmayaraq, yaşına görə döyüşməkdə çətinlik çəkdiyini anlayanda Mayk Taysonu “nokaut” etmək istəməyib:
“Azarkeşlərə şou göstərmək arzusunda idim, amma onu incitmək istəmirdim. Tayson sanki bir məqamdan sonra cavab verə bilmədi.
Bu zaman yaşının ona necə təsir etdiyini anladım. Şiddətli döyüş enerjisi raundlar irəlilədikcə yox oldu”.
Xatırladaq ki, Ceyk Poll noyabrın 16-da rinqdə M. Taysonu məğlub edib. 8 raund davam edən görüş C.Pollun 79:73 hesablı qələbəsi ilə bitib.
Onların mübarizəsi 2024-cü il üçün döyüş idmanlarında ən populyar hadisə kimi tarixə düşüb. “Netflix”in məlumatına görə, döyüş 108 milyondan çox izləyici cəlb edib.
.png)
