.jpg)
Azərbaycan millisinin üzvü Coşqun Diniyevin yeni klubu məlum olub.
Sportinfo.az xəbər verir ki, “Ümraniyespor”dan ayrılan futbolçu karyerasını Türkiyədə davam etdirəcək.
29 yaşlı yarımmüdafiəçi “Bandırmaspor”a keçib. Bu barədə klubun mətbuat xidməti məlumat yayıb.
Diniyev 1-ci liqa təmsilçisi ilə 2024/2025 mövsümünün sonuna kimi müqavilə imzalayıb.
“Səbail”in baş məşqçisi Şahin Diniyevin oğlu ötən mövsüm “Ümraniyespor”un heyətində 33 rəsmi matçda 3 qol vurub və 2 məhsuldar ötürmə edib.
