Qol vurdu, dili açıldı, “ürəyini boşaltdı”: “Heç vaxt hörmətimi itirmədim”

13 Aprel 15:40 Bizimkilər 454
Qol vurdu, dili açıldı, “ürəyini boşaltdı”: “Heç vaxt hörmətimi itirmədim”

“Haqqımda çox danışıldı, çox şey yazıldı. O cümlədən yalan xəbərlər də. Amma mən səssiz və səbirli şəkildə öz üzərimdə çalışdım".

Sportinfo.az xəbər verir ki, bu sözləri "Nürnberq"də çıxış edən Azərbaycan millisinin hücumçusu Mahir Emreli İnstaqram hesabındakı paylaşımında yazıb.

27 yaşlı qolçu ötən gün 2-ci Bundesliqanın 29-cu turunda "Kayzerslautern"lə oyunda (2:1) baxımlı qol vuraraq komandasının qələbəsindən böyük pay sahibi olub.

"Nürnberq"də son qolunu ötən ilin noyabrında vuran Emreli çox tənqid olunması ilə bağlı fikirlərini bölüşüb:

"Heç vaxt hörmətimi itirmədim. Və bu gün nəyin uğrunda mübarizə apardığımı göstərdim.

Bu məqsəd üç xaldan daha böyükdür. Bu, mənə inanan hər kəs üçündür.

Komanda yoldaşlarım, məşqçilərim və xüsusilə siz, azarkeşlərə inanılmaz dəstəyiniz üçün təşəkkür edirəm. Gələn oyunda görüşərik”.

M.Mereli bu mövsüm "Nürnberq"də ümumilikdə 20 oyuna 5 qol vurub, 1 qol ötürməsi edib.

Digər Xəbərlər
Xəbər Lenti
14 Aprel 18:10 Çək və bizə göndər!
14 Aprel 17:20 Oralarda bir Emil var...
14 Aprel 11:00 Burada sənə YER VAR!