Azərbaycan millisinin sabiq futbolçusu Dimitri Nazarov yenidən komandasını dəyişəcək.
Sportinfo.az Almaniya mətbuatına istinadən xəbər verir ki, Regionalliqa klubu “Offenbax” 34 yaşlı yarımmüdafiəçiyə yeni müqavilə imzalamaqda maraqlı deyil.
Buna səbəb veteran futbolçunun əvvəlki formasından uzaq olmasıdır. Nazarov mövsümə yaxşı başlanğıc etsə də, son vaxtlar oyununda eniş yaşanıb.
Əslində, baş məşqçi Kristian Neidhart millimizin sabiq üzvünün ümumi performansından narazı deyil. Lakin onun yaşının çoxluğunu nəzərə alan rəhbərlik yeni sözləşmə təklif etməyi planlaşdırmır.
Əvəzində Almaniya komandası həmin mövqeyə daha gənc oyunçu gətirməyi hədəfləyir.
2023-cü ildən “Offenbax”ın formasını geyinən Dimitri Nazarovun müqavilə müddəti yaya qədərdir. O, cari mövsüm çempionatda 10 qola imza atıb.
