Finlandiyada Liqa Kubokunun yarımfinal oyunları keçirilib.
Sportinfo.az xəbər verir ki, Azərbaycan millisinin vingeri Ozancan Kökçünün formasını geyindiyi “Helsinki” “KuPS”la qarşılaşıb.
Görüş paytaxt təmsilçisinin 3:1 hesablı qələbəsi ilə başa çatıb.
Millimizin üzvü ikinci hissədə meydana çıxıb və komandasının qalibiyyətində önəmli rol oynayıb. Məhz onun “döyüş”ə atılmasından sonra komandası 2 qol vurub.
Bu qələbə sayəsində “Helsinki” finala vəsiqə qazanıb. Həlledici görüş martın 29-da “İnter Turku”ya qarşı olacaq.
.jpg)
