Azərbaycan millisinin forvardı Renat Dadaşov “Radomyak”dakı (Polşa) debütündən razı qalıb.
Sportinfo.az xəbər verir ki, 25 yaşlı hücumçu Ekstraklasanın XXIII turunun “Vidzev”lə ev oyunu (1:1) barədə fikirlərini açıqlayıb.
O, 80-ci dəqiqədə meydana çıxdığı matçdakı debütü və 10 dəqiqə sonra komandasını məğlubiyyətdən xilas etdiyi qola imza atmasına münasibət bildirib:
“Bu qarşılaşmada üç xal qazanmaq istəyirdik. Belə bir klubdakı debütümdə qol vurduğuma görə xoşbəxtəm.
Bundan sonra da səylə çalışacağıq. Artıq bütün fikrimiz növbəti matça köklənib”.
