“Bild” Mahir Emrelinin “Nürnberq”dəki çıxışı haqda yazı hazırlayıb.
Sportinfo.az xəbər verir ki, Almaniya nəşri həmyerlimizin baş məşqçi Miroslav Klozenin tapşırıqlarını yerinə yetirməkdə çətinlik çəkdiyini yazıb:
“Mahir əfsanəvi hücumçunun dediklərinə əməl edə bilmir. Dəfələrlə baş məşqçi ilə futbolçu arasında bu üzdən mübahisə yaşanıb.
Klozenin sonuncu narazılığı çox ciddi oldu ki, nəticədə saatlarla davam edən müzakirələrə şahidlik etdik.
Belədə çalışdırıcı onu mövsümün birinci yarısının sonuncu matçında 78 dəqiqə ehtiyat oyunçular skamyasında əyləşdirməklə cəzalandırdı.
Emreli “futbol ili”nin ikinci yarısında daha çox şey bacardığını sübut etməlidi. “Nürnberq”in onunla imzaladığı müqavilənin müddəti bu ilin yayında bitəcək.
Azərbaycanlının gələn mövsüm üçün komandada qalıb-qalmayacağı hələ bəlli deyil”.
Mahir cari “futbol ili”ndə meydana çıxdığı 13 matçda (12-si çempionatda, 1-i kubokda) 4 qol, 1 məhsuldar ötürmə ilə yadda qalıb.
