"Traktor" İran çempionatında növbəti oyununa çıxıb.
Sportinfo.az xəbər verir ki, Cənubi Azərbaycan təmsilçisi 15-ci turda "İstiqlal Xuzestan"la qarşılaşıb.
Oyun Təbriz klubunun 3:0 hesablı qələbəsi ilə başa çatıb.
"Al-qurdlar"ın qollarını Mehdi Şiri (44), Məhəmməd Nadiri (46) və Tomislav Strkalj (88) vurub.
"Traktor"un çempionluq uğrunda əsas rəqibi sayılan və bu tura qədər lider olan "Sepahan" isə "İstiqlal"la oyunda xal itirib - 1:1.
Bu nəticədən sonra xallarını 32-ə çatdıran "Traktor" yenidən liderliyə yüksəlib. İkinci pillədə olan "Sepahan"ın da 32 xalı var.
