Azərbaycan millisinin hücumçusu Renat Dadaşov zədədən sonra yaşıl meydanlara qayıdıb.
Sportinfo.az xəbər verir ki, 25 yaşlı futbolçu 6 turluq fasilədən sonra "Ankaragücü"nün heyətində meydana çıxıb.
Dadaşov Türkiyə 1-ci Liqasının 16-cı turu çərçivəsində “Manisa”ya qarşı keçirilən matçda forma geyinib.
Görüşə ehtiyatdan başlayan millimizin hücumçusu qarşılaşmanın 82-ci dəqiqəsində Alper Uludağın əvəzinə meydana çıxıb. Lakin Renatın qayıdışı uğurlu alınmayıb. Onun komandası öz meydanında uduzub.
Bu məğlubiyyətdən sonra əvvəlki kimi 23 xalda qalan “Ankaragücü” turnir cədvəlində 6-cı yeri tutur. “Manisa” isə 20 xalla 15-ci pillədə qərarlaşıb.
“Ankaragücü” - “Manisa” 0:1
Qol: Bede Osuji, 76
