Almaniyanın tanınmış "Bild" nəşri 2-ci bundesliqanın 9-cu turunun dünən keçirilən "Qroyter” - "Nürnberq" derbi oyunundan (0:4) yazıb.
Azərbaycan millisinin 27 yaşlı hücumçusu Mahir Emreli 13-cü dəqiqədə gözəl qolla hesabı açıb.
Bu, onun Almaniya çempionatında ilk qolu olub.
Sportinfo.az xəbər verir ki, "Bild" nəşri M.Emreli ilə bağlı yazıb:
"Baş məşqçi Miroslav Kloze hücumçularına nə edib? Emreli və Tsimas (matçda 2 qolun müəllifi) dünya səviyyəli keçmiş hücumçunu sevindirir.
Klubdakı ilk qoldan sonra Emreli texniki zonaya qaçaraq məşqçisini qucaqladı və sevincini onunla bölüşdü".
Kloze bununla bağlı deyir: "Bunu qeyd edən oyunçular mənimlə birlikdə məşq edirlər".
Qəzet Klozenin hücumçuları ilə bağlı fikirlərinə də yer verib.
"Biz çoxdan idi onların bir-biri ilə meydanda anlaşacaqlarını gözləyirdik. Emreli zədəsinə görə çoxdandı əziyyət çəkirdi. Amma biz ona vaxt vermişdik" - deyə Kloze vurğulayıb.
"Bild" qəzeti daha sonra yazır: "Azərbaycanlı futbolçu Klozenin sayəsində getdikcə liderə çevrilir.
O, bəzən öz cərimə meydançaları daxilində müdafiə də olunur və müdafiəçiyə xas keyfiyyətləri ilə sevindirir".