"Mövsümə əla başladıq".
Sportinfo.az xəbər verir ki, bunu "Ankaragücü"də mçıxış edən Azərbaycan millisinin forvardı Renat Dadaşov şəxsi instaqram hesabında yazıb.
Türkiyə I Liqasının ilk turunda "Şanlıurfaspor"la matçda fərqlənən 25 yaşlı hücumçu dəstək üçün azarkeşlərə təşəkkür edib: "Biz çalışmağa davam edəcəyik".
Qarşılaşma "Ankaragücü"nün qələbəsi ilə bitib - 2:0. 67-ci dəqiqədə oyuna daxil olan forvard 76-cı dəqiqədə komandasının ikinci qoluna imza atıb.
Renat Dadaşov avqustun 8-də paytaxt təmsilçisi ilə 2 illik müqavilə imzalayıb.
