.jpg)
Türkiyə Superliqasında 2023/24 mövsümünə yekun vurulub.
Sportinfo.az xəbər verir ki, milli komandamızın hücumçusu Renat Dadaşovun formasını geydiyi “Hatayspor” öz meydanında “Rizespor”u qəbul edib.
Renat da bu görüşün iştirakçısı olub. Matça ehtiyat oyunçular skamyasından başlayan Dadaşov 73-cü dəqiqədə Ömər Beyazın əvəzinə meydana daxil olub.
Matç “Hatayspor”un qələbəsi ilə başa çatıb.
Bu qələbə sayəsində Dadaşovun komandası xallarının sayını 41-ə çatdırmaqla mövsümü 15-ci pillədə başa vurub və Superliqadakı yerini qoruyub.
“Hatayspor” - “Rizespor” 2:0
Qollar: Fisayo Dele-Başiru, 4, Karlos Strandberq, 57
