![Ağayev və yandaşlarının ayağı isveçrəlilərə düşdü](https://www.sportinfo.az/media/2024/02/24/f7g_genxsaa27my17077217041708665674.jpg)
Azərbaycanlı hakim Əliyar Ağayev növbəti beynəlxalq oyununu idarə edib.
Sportinfo.az xəbər verir ki, FIFA referisi Konfrans Liqası pley-off mərhələsinin "Ludoqorets" - "Servett" matçını idarə edib.
Ona yan xətt hakimləri Zeynal Zeynalov və Akif Əmirəli kömək ediblər. Dördüncü hakim funksiyasını isə Kamal Umudlu yerinə yetirib.
Qarşılaşma qonaqların 1:0 hesablı qələbəsi ilə başa çatıb. İki görüşün nəticəsinə görə üstünlük əldə edən İsveçrə təmsilçisi 1/8 finala yüksəlib.
Əliyar Ağayev bu görüşdə 6 sarı vərəqə göstərib. O, hər komandanı 3 dəfə cəzalandırıb.