Yeni mövsümdən Azərbaycan Basketbol Liqasında "Quba"nın məşqçilər heyəti bəlli olub.
Sportinfo.az xəbər verir ki, ötən mövsüm "Cəlilabad" adı ilə yüksək liqada yarışan komandanın adı "Quba"ya dəyişdirilib.
"Cəlilabad"ın məşqçilər korpusu və əksər oyunçuları da "Quba"nın heyətində olacaq.
Şimal təmsilçisinin baş məşqçisi Şəhriyar Əsgərov olacaq. Zaur Paşayev isə oynayan məşqçisi funksiyasını yerinə yetirəcək. Komandanın kapitanı isə Fikrət Paşayevdir.
"Quba" ev oyunlarını Quba Olimpiya İdman Kompleksində keçirəcək.
