"Bu bizim müntəzəm mövsümün son oyunumuz idi.
Kubok oyunlarından sonra komandada yorğunluq var idi".
Sportinfo.az xəbər verir ki, NTD komandasının baş məşqçisi Tahir Baxşıyev komandanın son oyunu barədə deyib.
O, Azərbaycan Basketbol Liqasının XX turunda “Sərhədçi”yə 77:103 hesablı məğlubiyyəti şərh edib:
"Zədələrə görə Tayri Boykin və Əkbər Məmmədov oyunu buraxırdılar. Həmçinin, biz Detrik Brauningə istirahət verdik. O, Kubokun yarımfinal və finalında 40 dəqiqə meydançada olmuşdu.
Amma hər oyundan fayda götürmək lazımdır. Bu gün Hüseyn Məmmədov və Oğuzxan Quliyev daha çox oynadılar. Mohəmməd Bazzi və Hacısəməd Oğuz da özlərini göstərmək imkanı əldə etdilər. Hacısəməd yüksək liqada ilk xallarını qazandı. Bu, hər bir basketbolçu üçün əlamətdar hadisədir. İndi bütün fikrimiz pley-inn mərhələsindədir. Hazırlaşacağıq".
