AFFA İntizam Komitəsinin iclası keçirilib.
Sportinfo.az xəbər verir ki, iclasda Əvəzedicilər Liqasının 28-ci turunun oyunları ilə bağlı aşağıdakı qərarlar qəbul edilib:
“Neftçi-2” – “Araz-Naxçıvan-2” oyununun 45+2-ci dəqiqəsində “Araz-Naxçıvan-2” komandasının 88 nömrəli futbolçusu Tuqay Əlizadə ikinci sarıdan qırmızı vərəqə aldığı üçün 1 oyun cəzalanıb, “Araz-Naxçıvan-2” komandası 50 manat cərimə edilib.
“Neftçi-2” – “Araz-Naxçıvan-2” görüşündə oyun günü planı pozulduğuna görə “Neftçi-2” komandası 100 manat cərimə edilib.
“Kəpəz-2” – “Səbail-2” görüşündə “Kəpəz-2” komandasının 4 futbolçusu sarı vərəqə aldığı üçün “Kəpəz-2” komandası 70 manat cərimə edilib.
“Kəpəz-2” – “Səbail-2” görüşünün 53-cü dəqiqəsində “Kəpəz-2” komandasının 44 nömrəli futbolçusu Nihat Fərəci rəqibi aşkar qol imkanından məhrum etdiyinə görə birbaşa qırmızı vərəqə aldığı üçün 1 oyun cəzalanıb, “Kəpəz-2” komandası 100 manat cərimə edilib.
