Bu gün Azərbaycan Kubokunda yarımfinal mərhələsinə start veriləcək.
Ən çox maraqla gözlənilən qarşılaşma "Neftçi Arena"da baş tutacaq.
Premyer Liqada uğursuz mövsüm keçirən "Neftçi" "Sabah"ı qəbul edəcək.
Hər iki tərəfin avrokuboklara getmək üçün Liqada riyazi şansı var.
Amma ən uyğun və qısa yol kubokunda keçir.
Bu baxımdan hər iki komandanın müsbət nəticə üçün bütün səylərini əsirgəməyəcəyi şübhəsizdir.
Belədə hansı tərəfin şanslarının yüksək olacağını demək çətindir.
Elə Sportinfo.az-a açıqlamasında şansları dəyərləndirən futbol mütəxəssisi Azər Məmmədov da ehtiyatlı danışıb:
"Hər iki komanda üçün ağır oyun olacaq. Tərəflər yaxşı dərk edir ki, avrokuboklara getmək üçün ən uyğun yol ölkə kubokundan keçir.
Düzdü, Premyer Liqada da riyazi şanslar qalır. Amma düşünürəm ki, ən yaxşısı kubok mübarizəsində uğurlu olmaqdır.
Birinci oyunda həm "Neftçi", həm də "Sabah"ın ehtiyatlı oynayacağını düşünürəm. Maraqlı oyun olacağı inandırıcı deyil.
Kim daha yaxşı motivasiyalı olsa, rəqibini daha düzgün analiz edə bilsə, cütün də qalib o olacaq.
İstənilən halda birinci oyundan yox, cavab matçından sonra bütün suallara aydınlıq gələcək. Çünki tərəflər öz risklərini daha çox ikinci görüşə saxlayacaq".
XANOĞLAN / SPORTİNFO.AZ
.jpg)
.jpg)