![“Zirə” kömək etdi, Azərbaycan 25-ci pillədə qərarlaşdı](https://www.sportinfo.az/media/2024/07/12/450563644_891251909666238_6633996194897062113_n.jpg)
Qitə kuboklarının I təsnifat mərhələsinin ilk oyunlarından sonra UEFA reytinqi açıqlanıb.
Sportinfo.az xəbər verir ki, Azərbaycan 17.000 əmsalla 25-ci pillədə qərarlaşıb.
Buna “Zirə”nin UEFA Avropa Liqasının I təsnifat mərhələsinin ilk matçında “Şerif”i üstələməsi (1:0) səbəb olub. Bu qələbə ölkəmizə 0,250 əmsal qazandırıb.
Azərbaycan Kipri (16,975) arxada qoyub. 24-ci pillədə Slovakiya (17,125) qərarlaşıb.
55 ölkənin yer aldığı siyahıya İngiltərə (89,160) başçılıq edir.