![“Zirə" və "Sabah" Azərbaycana nə qazandırdı?](https://www.sportinfo.az/media/2024/07/26/68665566a2b7d11b5dds.jpg)
Azərbaycan UEFA reytinqində bir pillə irəliləyib.
Sportinfo.az xəbər verir ki, bu, Konfrans Liqasının II təsnifat mərhələsinin ilk oyunlarının nəticəsinə əsasən mümkün olub.
24-cü sırada yer alan ölkənin əmsalı 17,750-yə bərabərdir. "Zirə" və "Sabah" Azərbaycan üçün hərəyə 0,250 xal qazandırıb.
Onlar müvafiq olaraq Slovakiyanın "DAK 1904" (4:0) və İsrailin "Makkabi" (Hayfa) (3:0) komandalarını məğlub ediblər. "Sumqayıt" isə evdə Macarıstanın "Fehervar" kollektivinə uduzub - 1:2.
Azərbaycandan bir pillə öndə Rusiya (18,299), bir addım geridə isə Slovakiya (17,625) yer alıb.
55 ölkənin reytinq siyahısına İngiltərə (89.160) başçılıq edir.