!["Bu günə qədər heç bir dəyişiklikdən xəbərimiz yoxdur"](https://www.sportinfo.az/media/2020/05/13/1130569545_0_10_2604_1475_600x0_80_0_0_ef40e670058f63c18d0e39a3442b1f14.jpg)
Koronavirus pandemiyası səbəbindən 2021-ci ilə təxirə salınan AVRO-2020-nin təqvimi hələ hazır deyil.
Sportinfo.az xəbər verir ki, bunu turnirin Rusiya Təşkilat Komitəsinin baş direktoru Aleksey Sorokin deyib.
O bildirib ki, hazırda qitə birinciliyinin yalnız start və finiş tarixi bilinir: “Avropa çempionatının sadəcə başlama və bitmə tarixi açıqlanıb – 2021-ci il 11 iyundan 11 iyula qədər. Oyunların təqviminə gəlincə, bu günə qədər heç bir dəyişiklikdən xəbərimiz yoxdur. Təqvim hələ razılaşdırılmayıb. Hazırda əvvəlki təqvimi nəzərə alırıq”.
AVRO-2020-nin oyunları Avropanın 12 şəhərində, o cümlədən Bakıda keçiriləcək. Bakı Olimpiya Stadionu turnirin qrup mərhələsinin 3, 1/4 final mərhələsinin isə 1 matçına ev sahibliyi edəcək.