Xəbər verdiyimiz kimi, Avropa Liqasında "Mançester Yunayted" öz meydanında Şotlandiya "Reyncers"inə 2-1 hesabı ilə qalib gəlib.
Sportinfo.az xəbər verir ki, ingilis klubunun qapıçısı Altay Bayındırın performansı böyük bəyəni ilə qarşılanıb.
Seyvləri ilə matça damğa vuran qapıçı rəqibin yerlisi olan oyunçusu Rıdvan Yılmaza da qol izni verməyib.
İngilis mətbuatı və komandanın azarkeşləri qazanılan 3 xalda Altay Bayındırın böyük rol oynadığını qeyd ediblər.
Matç ərzində 6 real qoldan klubunu xilas edən Altay Bayındırın yüksələn performansı sosial şəbəklərdə də müzakirələrə səbəb olub.
Qısa zaman öncə Altay "Tottenhem" ilə kubok oyununda buraxdığı kobud səhvlə çoxsaylı tənqidlərə məhkum olmuşdu, hətta İngiltərə nəhənginin onu göndərəcəyi barədə xəbərlər də mətbuata sızmışdı.
.png)
.png)
.png)
