Avropa Liqasında “Qarabağ”la qarşılaşacaq FCSB-nın Bakıdakı oyun üçün start heyəti bəlli olub.
Sportinfo.az xəbər verir ki, Rumıniya klubunun sahibi Cici Bekali meydana çıxacaq “11-liy”i açıqlayıb.
O, komandasının 4-3-3 sxemi ilə oynayacağını bildirib. Klubun sahibi iki sürprizə də yer verib.
Müalicədən yeni qayıdan və Bakıda oynayacağı gözlənilməyən Vlad Çiriçeș, həmçinin Marius Ştefaneskunun meydana çıxacağı qənaətindədir.
FCSB-nın start heyəti: Stefan Tarnovanu – Valentin Kretu, Xoakin Dava, Siyabonqa Nqezana, Risto Radunoviç – Vlad Çiriçeș, Adrian Şut, Florin Tanase – Marius Ştefanesku, Daniel Birliqea, David Mikulesku.
Bu gün Tofiq Bəhramov adına Respublika stadionunda keçiriləcək “Qarabağ” – FCSB matçı saat 21:45-də başlayacaq.
