Avropa Liqasının Liqa mərhələsinin II turunda "Qarabağ" İsveçdən "Malmö"yə məğlub olub.

Sportinfo.az xəbər verir ki, Tofiq Bəhramov adına Respublika stadionunda baş tutan görüş qonaqların 2:1 hesablı qələbəsi ilə yekunlaşıb.

Qarşılaşmanın 15-ci dəqiqəsində Juninyonun qolu ilə "Qarabağ" hesabı açıb. Bundan cəmi 4 dəqiqə sonra İsveç təmsilçisinin hücumçusu Erik Botheym fərqlənərək bərabərliyi təmin edib.

Görüşün 47-ci dəqiqəsində isə E.Botheym komandasının qələbə qoluna imza atıb.

Azərbaycan çempionu I turda səfərdə "Tottenhem"ə 0:3 hesabı ilə uduzmuşdu. "Köhlən atlar" turnirdə növbəti matçını oktyabrın 24-də Bakıda "Ayaks"a (Niderland) qarşı keçirəcək.

3 oktyabr

20:45. "Qarabağ" - "Malmö" (İsveç) 1:2

Qollar: Olavio Juninyo, 15 – Erik Botheym, 19; 47.
Hakimlər: Anastasios Papapetru, Tryfon Petropoulos, İordanis Aptosoglou, Alexandros Tsakalidis
VAR: Angelos Evangelou
AVAR: Athanasios Tzilos (hamısı Yunanıstan)
Tofiq Bəhramov adına Respublika stadionu

"Qarabağ": 97. Fabian Buntiç, 6. Julio Romao, 7. Yassin Benzya, 10. Abdullah Zubir (k), 13. Bəhlul Mustafazadə, 15. Leandro Andrade, 18. Olavio Juninyo, 30. Abbas Hüseynov, 44. Elvin Cəfərquliyev, 66. Patrik Andrade, 81. Kevin Medina.
Ehtiyat oyunçular: 12. Sadiq Məmmədzadə, 99. Mateuş Koxalski, 8. Marko Yankoviç, 11. Emmanuel Adday, 20. Riçard Almeyda, 21. Aleksey Kaşuk, 22. Musa Qurbanlı, 24. Aleksey İsayev, 27. Toral Bayramov, 55. Bədavi Hüseynov, 90. Nəriman Axundzadə.
Baş məşqçi: Qurban Qurbanov.

"Malmö": 27. Yohan Dahlin, 8. Serxio Pena, 9. İsaak Kyese Telin, 10. Anders Kristiansen (k), 16. Oliver Berq, 17. Yens Striger, 18. Pontus Yansson, 19. Kolin Röster, 20. Erik Botheym, 23. Lasse Berq Yonsen, 25. Qabriel Busanello.
Ehtiyat oyunçular: 1. Rikardo Fridrix, 30. Yoakim Persson, 4. Soren Rieks, 7. Otto Rozenqren, 13. Martin Olsson, 14. Sebastyan Yorgensen, 22. Taha Ali, 32. Daniel Qudyonsen, 34. Zakaria Lukili, 35. Nils Zattersrom, 37. Adrian Skoqmar, 36. Huqo Bolin.
Baş məşqçi: Henrik Ridström.