"Düşünürəm ki, bizim qələbə üçün mübarizə aparmaq şansımız olacaq".
Sportinfo.az xəbər verir ki, bunu "McLaren" pilotu Oskar Piastri Bakıda keçirilən "Formula 1" üzrə Azərbaycan Qran-prisi ilə bağlı danışarkən deyib.
Sıralama turunda ikinci olan sürücü uzun məsafələrdə yaxşı templərinin olduğunu söyləyib: "Amma qalibiyyət əldə etmək asan olmayacaq".
O, sıralama turunun son dövrəsində sürəti artırdığını diqqətə çatdırıb:
"Divarlara daha da yaxınlaşmağa çalışdım. Bu trek belə yanaşmanı mükafatlandırır. İtirəcək heç nəyim yox idi".
Azərbaycan Qran-prisində əsas yarış sentyabrın 15-də baş tutacaq.
