.jpg)
«Komandaya daha yerli futbolçuların cəlb olunması gözlənilmir».
Bu sözləri Sportinfo.az-a açıqlamasında «Araz-Naxçıvan»ın icraçı direktoru Eldəniz Yusifov deyib.
O, «Turan Tovuz»dan ayrılan Slavik Alxasov da daxil, hazırda klubsuz qalan heç bir oyunçularla danışıqlar aparmadıqlarını bildirib.
Təcrübəli funksioner qeyd edib ki, məşqçilər korpusu transfer çalışmalarını bitirmək üzrədir.
“Araz-Naxçıvan” yay transfer dövründə Tərlan Əhmədli, Urfan Abbasov, Bəxtiyar Həsənalızadə, Ülvi İsgəndərli, Ömər Buludov, Turan Vəlizadə, Karlos Jatoba və Bernardo Oliveyra Diası (Benni) heyətinə qatıb.
Kristian Avram, Vadim Abdullayev, Nuno Rodriges, İqor Ribeyro, Vanderson Melo, Elçin Mustafayev, Vüsal Şabanov, Tuqay Əlizadə, Ramin Nəsirli və Miço Küzmanoviçlə müqaviləni yeniləyib.
