“Hazırda milli komandalara görə fasilədir, biz hazırlıqlarımızı davam etdiririk.
Təbii ki, uğurlu nəticələr bizi sevindirir. Kollektivdə əla atmosfer var.
Komanda yoldaşlarım da əla futbolçulardır.
Mövsümün sonunda məqsədimizə çatmaq istəyirik. Məqsədimizə də addım-addım çatmaq niyyətindəyik”.
bu sözləri sportal.az-a açıqlamasında “Araz-Naxçıvan”ın legioneri Sezar Meza Kolli deyib.
Paraqvaylı yarımmüdafiəçi komandasının bu mövsüm uğurlu mövsüm keçirməsindən danışıb. Bununla yanaşı isə o, yenidən Azərbaycana qayıtmasına fikir bildirib:
“Azərbaycan mənim ikinci evimdir. “Araz-Naxçıvan”a keçdiyimə görə şadam.
Komandaya gəlmişəmsə, ən yaxşısını etməyə çalışıram. Yaxşı, mehriban kollektivim var. Çalışacağıq ki, yaxşı nəticələr qazanaq”.
.jpg)
