!["Arazı"n yolu - Bakıdan başlayacaq, Ərzurumda bitəcək](https://www.sportinfo.az/media/2024/06/20/441181489_1061500878835281_4092363896203541863_n.jpg)
“Araz-Naxçıvan” futbol komandasının yay hazırlıq planı məlum olub.
Sportinfo.az xəbər verir ki, futbolçular iyunun 25-dən 27-dək tibbi müayinədən keçəcəklər.
Yeni mövsümün ilk məşqinə isə iyunun 28-də start veriləcək. Məşqləri iyulun 8-dək Bakıda reallaşdıracaq “qırmızı-ağlar” bir yoldaşlıq matçında gücünü sınayacaq.
Oyunun keçirilmə yeri və rəqib haqda əlavə məlumat veriləcək. Bir günlük istirahətin ardından - iyulun 10-da komanda Türkiyəyə yollanacaq.
Ərzurumdakı toplanış iyulun 25-dək davam edəcək. İki həftəlik hazırlıq müddətində “Araz-Naxçıvan” 3 yoldaşlıq (iyulun 14-də, 19-da və 24-də) oyunu keçirəcək. Rəqiblər hələlik məlum deyil.
İyulun 27-dən Bakıda məşqləri bərpa edəcək kollektiv mövsümün ilk matçına hazırlaşacaq.