.jpg)
«Araz-Naxçıvan» rəhbərliyi klubun 19 yaşlılardan ibarət komandasının baş məşqçisi Ruslan Əmircanova şok xəbərdarlıq edib.
Ona media ilə bağlı qadağa qoyulub.
Buna səbəb gənc müiəxəssisin «yutub» kanallarının birində təhqiramiz ifadələrdən istifadə etməsidir. Belə ki, Əmircanov son vaxtlar qatıldığı verlişlərdə davamlı olaraq qeyri-etik lətifələr və xoşagəlməz hadisələrdən danışıb.
Təbii ki, bu da birmənalı reaksiya doğurmur. Məşqçinin statusuna yaraşmayan leksikonu «Araz-Naxçıvan»a zərbədir.
U-19-un çalışdırıcısı ilə müvafiq söhbət aparılıb, ona klubun imicinə xələl gətirən davranışdan dolayı töhmət verilib.
Əmircanova izah olunub ki, yeniyetmə və gənclərlə işləyən məşqçi kimi bu hərəkətləri yolverilməzdir, etik kodeksə riayət etməlidir.
Bildirilib ki, belə hallar təkrarlanarsa, onunla müqavilə birtərəfli qaydada ləğv olunacaq.
SPORTİNFO.AZ
.jpg)
.jpg)
