Cari mövsümün sürpriz komandası “Araz-Naxçıvan” uğursuzluq zolağından çıxmaq istəyir.
Avqustdan dekabra qədər 15 oyunda yenilginin nə olduğunu bilməyən “qırmızı-ağlar” indi də qələbə üzünə həsrət qalıb.
Elmar Baxşıyevin çalışdırdığı kollektiv son üç qarşılaşmanın hamısında məğlub olub.
Növbəti oyun isə özü ilə eyni vəziyyətdə olan “Neftçi”dir. Bakılılar da ağır dönəmi geridə qoymağa çalışır, xoş günlərin gələcəyinə ümid edir.
“Araz-Naxçıvan”ın əsas heyət üzvlərindən olan müdafiəçi Slavik Alxasov qarşıdakı matçla bağlı Sportinfo.az-a açıqlama verib:
“Çempionatın ikinci yarısında bütün görüşlər çətin olacaq. Bundan sonra hər bir oyun finala bərabərdir. Çünki bütün komandalar öz hədəfinə çatmaq üçün mübarizə aparacaqlar.
“Neftçi” olmur, kim olur-olsun, hər matçda qələbə qazanmağa çalışmalıyıq ki, mövsümü yaxşı yerlərdən birində başa vuraq.
Rəqib yaxşı komandadır, heyətlərində bacarıqlı futbolçular var. Bizi çox çətin oyun gözləyir.
Sözsüz ki, məqsədimiz 3 xal qazanmaqdır. Bunun üçün mübarizə aparacağıq. 1 xal isə əla yox, normal nəticə sayılacaq”.
Yanvarın 26-da “Liv Bona Dea Arena”da baş tutacaq qarşılaşmanın start fiti saat 16:00-da çalınacaq.
HƏBİB
.jpg)
.jpg)
