“Ardıcıl məğlubiyyətləri unutdurmaq istəyirik. Buna baxmayaraq, “Neftçi”ylə oyunun asan keçməyəcəyini də bilirik”.
“Araz-Naxçıvan”ın hücumçusu Ramon Maçado Sportinfo.az-a açıqlamasında komandasının növbəti matçı barədə danışıb.
Son turlarda işləri qaydasında getməyən Baxçıvan təmsilçisi “Liv Bona Dea Arena”da heç cür özünə gələ bilməyən bakılıları qəbul edəcək.
Bu qarşılaşmada mümkün qələbə hər iki tərəfə hava-su kimi lazımdır. Bunu braziliyalı forvardın sözlərindən anlamaq çətin deyil:
“Vaxtilə “Neftçi”nin heyətində yer almış biri kimi deyə bilərəm ki, düşdüyü vəziyyətdən asılı olmayaraq “Neftçi”nin adı üstündədir. Burada hər zaman keyfiyyətli futbolçular cəmlənir.
Uduzduğumuz son görüşləri unudub, bu qarşılaşmaya 1-ci tur gözü ilə baxmalıyıq. “Zirə”yə uduzsaq da, yaxşı çıxış etdiyimizi düşünürəm.
“Neftçi”yə qarşı da bu cür oynasaq, qələbə qazana bilərik. Bu çempionatda “Neftçi”ni bir dəfə udmuşuq, digərində feyr-pleyin pozulması səbəbindən bərabərə qalmışıq.
Həmin komandayıq, dəyişən heç nə yoxdur. Gücümüzü bir yerə qoyub, qalib gəlməyə çalışacağıq”.
Yanvarın 26-da “Liv Bona Dea Arena”da keçiriləcək oyun saat 16:00-da başlayacaq.
HƏBİB
.jpg)
.jpg)
