“Pis oynamadıq, sadəcə, buraxılan qoldakı diqqətsizliyin acısını çəkdik”.
“Araz-Naxçıvan”ın forvardı Ramon Maçado Sportinfo.az açıqlamasında “Zirə” ilə matçı şərh edib.
Şənbə günü Zirədə baş tutan qarşılaşma kifayət qədər gərgin alındı. Oyunun əvvəlində erkən qola sevinən meydan sahibləri nəticəni sona qədər qorumağı bacardı.
Braziliyalı hücumçu 0:1 hesablı məğlubiyyətə səbəb kimi rəqib futbolçuların daha istəkli olmasını göstərib:
“Hər iki komanda qələbə üçün mübarizə aparırdı. Qış fasiləsindən sonra ilk oyun olması da gərginliyi artırmışdı.
Lakin sevinən tərəf rəqib komanda oldu. İlk dəqiqələrdən hiss olunurdu ki, “Zirə” daha istəklidir.
İnanılmaz dərəcədə pressinq edirdilər və həmin basqı qolla nəticələndi.
Çünki biz qalib gəlsəydik, arada çox böyük fərq yaranacaqdı. Onlar bunun fərqində idilər”.
“Zirə” əldə etdiyi qələbə nəticəsində turnir cədvəlində üçüncü pilləyə yüksəlib.
HƏBİB
.jpg)
.jpg)
