«Xeyli müddətdir axtarışdayıq, maraq dairəmizdə olan bəzi legionerlər var».
Bu sözləri Sportinfo.az-a açıqlamasında «Araz-Naxçıvan»ın icraçı direktoru Eldəniz Yusifov deyib.
Premyer Liqanın digər iştirakçılarından fərqli olaraq, «ağ-qırmızılar» 2025-ci ilə tamamilə köhnə heyətlə başlayıb.
Muxtar Respublmka təmsilçisi hələ transfer xəbəriylə ictimaiyyəti tanış etməyib.
Bu, nə ilə əlaqədardır? Olmaya, baş məşqçi Elmar Baxşıyev mövsümü uğurla başa vurmaq üçün mövcud «qvardiya»nı yetərli sayır?
Təcrübəli funksioner bu suala aydınlıq gətirib.
O, avrokuboklara vəsiqəyə iddialı olduqlarını, zeyəti gücləndirmək istiqamətində fəaliyyəti davam etdirdiklərini bildirib:
«Elmar müəllim rəhbərlikdən bir transfer istəyib. Baş məşqçi ilk iki dövrədə istifadə etdiyi futbolçuların hamısından razıdır.
Bizdə artıq futbolçu yoxdur. Bundan sonra komandaya 1 nəfər qoşula bilər.
O da legioner olacaq. Hücumçu axtarırıq.
Hücumameylli yarımmüdafiəçi də ola bilər. Bir neçə nəfərlə danışıqlar gedib.
Təkliflərimizi vermişik. Razılıq alan kimi müqavilə imzalayacağıq».
.jpg)
