.jpg)
"Araz Naxçıvan"ın yarımmüdafiəçisi Bernardo Dias Sportinfo.az-a açıqlama verib.
O, qış fasiləsində "Sumqayıt"la keçirdikləri yoxlama görüşünü (2:2) dəyərləndirib:
"İlk hissə yaxşı oynadıq. Çox qol imkanları yaxaladıq. Müdafiədə etibarlı çıxış edib, rəqibə şans vermirdik. İkinci hissə çox da pressinq etmədiyimiz üçün rəqibə daha çox şans verdik.
Nəzərə alaq ki, qısa bir tətildən sonra ilk oyun idi. Növbəti oyunlar üçün özümüzü inkişaf etdiririk".
Portuqaliyalı legioner davamında yaranmış fasilədə daha yaxşı forma yığacaqlarına inamını dilə gətirib:
"Mövsümün birinci yarısını yaxşı keçirdik. Məncə, fasilədən sonra daha yaxşı performans sərgiləyə biləcəyik. Bütün kollektiv buna inanır".
XANOĞLAN
