"Araz-Naxçıvan" Premyer Liqanın 15-ci turunda öz meydanında "Turan Tovuz"u 1:0 hesabı ilə məğlub edib.
Sportinfo.az xəbər verir ki, naxçıvanlılara qələbə qazandıran qolun müəllifi Felipe Santos instaqram hesabında paylaşım edib.
8 qolla çempionatın bombardiyi olan braziliyalı hücumçu vacib qələbə qazandıqlarını bildirib:
"Komandama kömək etdiyim üçün xoşbəxtəm. Vacib qələbə qazandıq. Hər kəs bir məqsəd üçün çalışır".
